លើកនេះប្រុសស្អាតកម្ពុជា១ក្រុម ផ្ដើមប្រជែងគ្នាក្នុងកម្មវិធីថ្មី១ ដើម្បីអាចឆ្ពោះទៅឆាកអន្តរជាតិ

2022-11-13 20:09:54
ព័ត៌មាន

2022-11-13 20:09:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមយុវជន១ក្រុមមានគ្នា ២០នាក់ បានផ្ដើមការប្រកួតប្រជែងសមត្ថភាពនៅក្នុងកម្មវិធីថ្មីមួយឈ្មោះថា “Mister Friendship Cambodia 2022” ដើម្បីចម្រាញ់រកបេក្ខភាពល្អឥតខ្ចោះ១ រូបឆ្ពោះទៅឆាកអន្តរជាតិ។

កម្មវិធីនេះទើបតែចាប់ផ្ដើមលើកដំបូងនៅកម្ពុជា ដោយប្រមូលបានយុវជនកម្ពុជា ជាអ្នកដែលស្រឡាញ់សិល្បៈ ក៏ដូចជា Fashion ចំនួន ២០នាក់មកចូលរួមប្រកួត ក្នុងវគ្គជម្រុះដំបូងកាលពីចុងសប្ដាហ៍មុន។

លោក Jakkrit kakrut (លោក ឆាគ្រីត ចាគ្រុត) ដែលអ្នករៀបចំកម្មវិធ Mister Friendship Cambodia ទាំងក្នុងប្រទេសថៃ និងកម្ពុជា បានប្រាប់ឱ្យដឹងថា គោលបំណងដែលនាំយកកម្មវិធីប្រកួត Mister Friendship International ចូលមកកម្ពុជាព្រោះតែចង់ឱ្យកម្ពុជាក្នុងនាមជាដៃគូអាស៊ានបង្ហាញមុខនៅលើឆាកអន្តរជាតិ និងមានឱកាសចែករំលែកពីសក្ដានុពលសិល្បៈ វប្បធម៌កម្ពុជា ក៏ដូចជាប្រកួតប្រជែងសមត្ថភាពទាំងចំណេះដឹង ភាពស្វាហាប់របស់ខ្លួនផង។

Mister Friendship Cambodia បានចាប់ផ្ដើមដំណើរការការជម្រុះដំបូងរបស់ខ្លួនកាលពីចុងសប្ដាហ៍មុននេះ។តាមលោក Jakkrit kakrut (លោក ឆាគ្រីត ចាគ្រុត) បានឲ្យដឹងថា តាមផែនការ បេក្ខជនចំនួន ១០រូបនឹងត្រូវជម្រុះចេញពីកម្មវិធី ហើយបេក្ខជន ១០នាក់ដែលនៅសល់ នឹងត្រូវប្រជែងគ្នាឡើងទៅវគ្គ ៥នាក់ចុងក្រោយ។

ចុងក្រោយបំផុត មានតែបេក្ខជនឥតខ្ចោះតែម្នាក់ប៉ុណ្ណោះ នឹងត្រូវជ្រើសជាបេក្ខភាពជយលាភី។ អ្នករៀបចំដដែល បញ្ជាក់ថា បេក្ខជនតំណាងកម្ពុជា នឹងត្រូវបន្តទៅប្រកួតលើឆាកអន្តរជាតិជាមួយបេក្ខភាពមកពី ១៥ប្រទេសផ្សេងទៀត ក្នុងវគ្គផ្ដាច់ព្រ័ត្រ ប្រារព្ធឡើងនៅក្នុងប្រទេសថៃ។

ការប្រកួតវគ្គបន្ទាប់របស់កម្មវិធី ដោយចម្រាញ់យកត្រឹមជ័យលាភី៥នាក់និងម្ចាស់មគុដ គ្រោងធ្វើនាថ្ងៃទី១៨ ខែវិច្ឆិកា ឆ្នាំ២០២២។ សម្រាប់ការប្រកួតអន្តរជាតិដែលបេក្ខភាពមកពីជុំវិញពិភពលោកវិញ គ្រោងនឹងត្រៀមរៀបចំឡើងនាថ្ងៃទី០៨ ខែធ្នូ ឆ្នាំ២០២២ នាមុខនេះ៕

អត្ថបទ៖ ទារិកា