កាលពីថ្ងៃទី១៧ ខែតុលា ឆ្នាំ២០២២ BIGHIT MUSIC បាន​ប្រកាសថា​ BTS នឹង​បំពេញតួនាទីជា​បុរសកូរ៉េ ដោយចូលបម្រើក្នុងជួរទ័ព ហើយអ្នកដែលត្រូវ​ចាប់ផ្ដើមបេសសកម្មនេះ​មុនគេ​គឺ Jin ក្រោយពេល​លោកសុំលុបចោលការពន្យារពេល​បន្តទៀត។

ក្រោយការ​ប្រកាស​នេះ​ បង្ហោះ​ឡើងភ្លាមៗ អ្នកគាំទ្រ​ជា​ច្រើន​នាក់ពិតជា​មាន​ភាព​ភ្ញាក់ផ្អើល បើទោះបីជា​មាន​អារម្មណ៍ពិបាកចិត្ត ប៉ុន្តែពួកគេ​ក៏រំភើប ក៏ដូចជាមានមោទកភាពខ្លាំង​ដែរចំពោះ​ក្រុមតារាជា​ទីស្រឡាញ់របស់ពួកគេ។ យ៉ាងណាក្ដី BIGHIT MUSIC ក៏បាន​បញ្ជាក់ច្បាស់ៗដែរថា ក្រុម​នឹង​វិលជួបអ្នកគាំទ្រ​វិញនៅឆ្នាំ ២០២៥។

ដ្បិតអ្នកគាំទ្រមានអារម្មណ៍ហេងហាង ប៉ុន្តែពួកគេបាន​ព្យាយាមគ្រប់គ្រងស្ថានភាព ដោយរួបរួមគ្នាផ្ដោតលើអ្វីដែលពួកគេត្រូវធ្វើ អំឡុងពេល​រង់ចាំការត្រឡប់ជុំគ្នាជាថ្មីរបស់ BTS រយៈពេល ៣ឆ្នាំទៀត។

ខាងក្រោមគឺជាគម្រោងទាំង ៧ ដែល ARMY គួរធ្វើពីឆ្នាំ ២០២៣ ដល់ឆ្នាំ ២០២៥៖

១. ចូលទៅមើលវីដេអូ ឬ Content ណាដែលអ្នក​មិនទាន់​បាន​មើល

Content ច្រើន​ណាស់ដែល BTS បាន​បង្កើតឡើង ដូចជា Bon Voyage ឬ BTS In The Soop។ ប៉ុន្តែគ្រាន់តែមើលឲ្យបានៗ​ នោះពុំទាន់គ្រប់ទេ ដោយគ្រប់គ្នា​អាចចាប់យកសកម្មភាពគ្រប់យ៉ាងរបស់សមាជិកក្រុម។

២. សង្រួមផ្លូវចិត្ត សម្រាប់ការត្រៀមខ្លួនទិញសំបុត្រចូលមើលការសម្ដែងរបស់ BTS នៅពេល​ខាងមុខ

ដូចការ​សម្ដែងលើឆាកប្រគំតន្ត្រីដ៏ធំក្នុងទីក្រុង Busan កាល​ពីពេលថ្មីៗនោះ សំបុត្រត្រូវ​បានលក់ដាច់អស់ខ្ទេចក្នុង​រយៈពេលត្រឹម ១៥នាទី។ គ្មានអ្វី​ត្រូវ​ភ្ញាក់ផ្អើល​ទេ ដែល BTS ​លក់សំបុត្រដាច់អស់ ១០ម៉ឺនសំបុត្រក្នុងពេលដ៏ខ្លី ពួកយើងអាចស្រមៃ​មើលថានៅពេល​ពួកគេ​វិលមកវិញ ជាមួយនឹង​ការស​ម្ដែង​លើឆាក Concert ល្បឿននៃការទិញសំបុត្រក៏ប្រជែងគ្នាភាគរយខ្ពស់ដែរ។

៣. សន្សំលុយឲ្យបាន​ច្រើន​សម្រាប់ការប្រគំតន្ត្រីទេសចរណ៍ និងគាំទ្រការ Comeback នៅឆ្នាំ ២០៥

ARMY ឧស្សាហ៍លេងសើចថា​ ទោះដាច់លុយយ៉ាងណា ក៏ពួកគេចង់ចំណាយទៅលើការគាំទ្រ រាល់ការ Comeback របស់ BTS និង​ Content ជា​ច្រើនផ្សេងៗទៀតដែរ។ ARMY សង្ឃឹមថា​ អំឡុងពេលដែល BTS ចូលបម្រើទ័ព ពួកគេ​អាច​សន្សំលុយបាន​ច្រើនដើម្បីត្រៀមទុកចំណាយនៅពេលក្រុម Comeback វិញនៅឆ្នាំ ២០២៥។

៤. រៀនភាសាកូរ៉េឲ្យចេះ

BTS អាចក្លាយជា​ក្រុមតារាដ៏ល្បីទូទាំងពិភពលោក ក៏ដោយសារការរួមចំណែក​នៃការគាំទ្ររបស់អ្នកគាំទ្រជាតិ ពិសេសគឺអ្នកគាំទ្រអន្តរជាតិដ៏ច្រើនសន្ធឹកសន្ធាប់។ ទោះបីអ្នកគាំទ្រទាំងនោះ មិនចេះនិយាយភាសាកូរ៉េ ប៉ុន្តែរាល់ Content ទាំងអស់ តែង​មាន​ Subtitle នៅខាងក្រោម ដើម្បីសម្រួលដល់ ARMY អន្តរជាតិ។ ប៉ុន្តែស្របពេលក្រុមចូលទ័ព អ្នកគាំទ្រ​ក៏អាច​ទុកពេល​នោះ ដើម្បីរៀនភាសាកូរ៉េឲ្យបាន​ចេះ​ និងស្គាល់ខ្លះៗ ដើម្បីងាយស្រួលក្នុងការយល់ និងការប្រាស័យទាក់ទងជាមួយនឹង​ BTS។

៥. Stream វីដេអូបទចម្រៀង ដើម្បីបំបែក​កំណត់ត្រាថ្មីៗទៀត

ARMY តែង​តែចាត់ការវីដេអូបទចម្រៀងរបស់ BTS ដោយការ Stream ឲ្យទទួល​បាន​ចំនួនចូលមើលច្រើន។ លទ្ធផលក្រោយការ Stream គឺអាចធ្វើឲ្យ MV របស់ BTS ជាប់លើកំពូលតារាបទចម្រៀងល្បីៗ។ នោះហើយជាក្ដីសុខរបស់អ្នកគាំទ្រទាំងឡាយ ហើយក៏ជាសកម្មភាព​នៃការគាំទ្រដ៏មានតម្លៃខ្លាំង​ដែរ។

៦. ទទួល​បាន​បទពិសោធជីវិតថ្មី

ទម្រាំដល់ឆ្នាំ ២០២៥ ARMY នឹង​ជួបប្រទះនូវបទពិសោធជីវិត​ថ្មីៗជា​ច្រើន ដូចជាខ្លះត្រូវបញ្ចប់ការសិក្សា ខ្លះមានការងារថ្មី ខ្លះឈានដល់ជីវិតគូ​និងជោគជ័យគោលដៅជីវិតជាច្រើន។ ARMY ក៏នឹងរំភើបរីករាយជា​មុនដោយក្ដីអំណរ ចំពោះ BTS និងពួកគេផ្ទាល់ដែលក្លាយជាមនុស្សថ្មីនៅឆ្នាំ ២០២៥។

៧. រៀន «ស្រឡាញ់ខ្លួនឯងឲ្យបាន​ច្រើន»

BTS តែង Promote ឬផ្សព្វផ្សាយ Concept នៃការស្រឡាញ់ខ្លួនឯង ដើម្បីលើកទឹកចិត្តមនុស្សគ្រប់គ្នាឲ្យរៀនទទួលយក និង​ពេញចិត្តនូវអ្វី​ដែលពួកគេមាន។ ពេល​នេះ​ ក៏ជាពេល​សមរម្យ និង​ល្អបំផុតសម្រាប់គ្រប់គ្នា ដែលត្រូវបង្រៀនខ្លួនឯងឲ្យស្រឡាញ់ខ្លួនឯង ធ្វើល្អដាក់ខ្លួន​ឯងឲ្យបាន​ច្រើន រឹងមាំ ហើយត្រៀមស្វាគមន៍ Version ថ្មីរបស់ BTS នៅឆ្នាំខាងមុខ៕