តារា​ចម្រៀង​មក​ពី​ខេត្ត​តាកែវ តន់ ច័ន្ទសីម៉ា នៅ​តែ​រក្សា​បាន​នាម​ជា​តារា​លំដាប់​កំពូល​ចាប់​តាំង​ពី​នាង​បាន​ចូល​រួម​ជាមួយ Galaxy Navatra កាល​ពី​ដើម​ឆ្នាំ ២០២០។ ត្បិត​យ៉ាង​នេះ Tempo Tris ទេ ដែល​​​មាន​សន្ទស្សន៍​អ្នក Sub វ៉ា​ដាច់​គេ​ភឹង​តែ​ម្ដង​ក្នុង​ចំណោមតារា​រួម​ទ្រនំ​។

នេះ​និយាយ​ដល់​ចំនួន​អ្នក​ចុច Subscribe លើ​ឆាណែល​យូធូប​ផ្ទាល់​ខ្លួន ខណៈ​មាន​របាយការណ៍​បញ្ជាក់​ថា តារា​ចម្រៀង​ផលិតកម្ម Galaxy Navatra ទាំង​អស់ រួម​ទាំង​ថ្នាក់​ដឹកនាំ​ផង សុទ្ធ​តែ​មាន​ឆាណែល​យូធូប​ផ្ទាល់​ខ្លួន​ទាំង​អស់។ តាម​តួលេខ តន់ ច័ន្ទសីម៉ា ដែល​ជា​រាជិនី​ម្នាក់​ប្រចាំ​ផលិតកម្ម​មាន​ចំនួន​អ្នក Sub ចំនួន​ជាង ១០០k។

តួលេខ​នេះ តារា​ស្រី​តូច​ច្រឡឹង មិន​អាច​ក្ដោប​ក្ដាប់​លំដាប់​កំពូល​ក្នុង​ករណី​ខាង​លើ​នោះ​ទេ ពោល​គឺ​បាន​ត្រឹម​លេខ២​ប៉ុណ្ណោះ។ លេខ​១ គឺ​តារា​រ៉េប Tempo Tris ដែល​មាន​ចំនួន​អ្នក Sub លើ​ឆាណែល​របស់​គេ​ដល់​ទៅ​ជាង 700k ឯណោះ។ ចំណុច​នេះ នាំ​ឲ្យ​មាន​ការ​ងឿង​ឆ្ងល់​ថា ហេតុអ្វី សីម៉ា ដែល​គេ​មើល​ឃើញ​ថា​ជា​តារា​កំពូល​មួយ​របស់​ផលិតកម្ម ដែល​មាន​បទ​ផ្ទុះ​សឹង​គ្រប់​បទ ជាក់​ស្ដែង​បទ "Lambo Toy” ល្បី​ដល់​ប្រទេស​ជា​ច្រើន​នៅ​អាស៊ី​នោះ បែរ​ជា​មាន​អ្នក Sub តិច​ជាង​ទៅ​វិញ។

បញ្ហា​នេះ លោក យឹម តាស្រង់ ដែល​ជា​ថ្នាក់​ដឹកនាំ បាន​គូស​បញ្ជាក់​ថា បញ្ហា​នេះ អាច​មាន​ពាក់​ព័ន្ធ​នឹង​រយៈ​ពេល​នៃ​ការ​បង្កើត​ឆាណែល​របស់​ពួក​គេ​រៀង​ខ្លួន។ តាស្រង់ ថា Tempo បាន​បង្កើត​ឆាណែល​របស់​គេ​តាំង​ពី​យូរ​ណាស់​មក​ហើយ តាំង​ពី​មុន​ចូល​រួម​ជាមួយ Galaxy Navatra ម្ល៉េះ។ ដោយ​ឡែក តារា​ចម្រៀង​ផ្សេង​ទៀត​របស់​ផលិតកម្ម ទើប​បង្កើត​ក្រោយ ហើយ​អ្នក​ខ្លះ ទើប​តែ​មាន​ពេល​ចូល​រួម​ជាមួយ Galaxy ទៅ​ហើយ​ប៉ុណ្ណោះ។

តួលេខ​លើ​អ្នក Sub លើ​ឆាណែល​នេះ ក្រៅ​ពី សីម៉ា និង Tempo ដែល​កាន់​កាប់​តំណែង​លេខ ១ និង​លេខ២​រៀង​ខ្លួន អ្នក​ស្ថិតក្នុង​លំដាប់​លេខ​៣ គឺ​តារា​ចម្រៀង ខេម មាន​អ្នក Sub ជាង ៣៧k ។ បន្ត​មក​ទៀត​លោក ព្រាប សុវត្ថិ នៅ​លំដាប់​លេខ​៤ ជាមួយ​អ្នក Sub ជាង 36k។ អ្នក​ផ្សេង​ទៀត​មាន យឹម តាស្រង់ មាន​ចំនួន Sub ជាង 28k អ៊ុក សុវណ្ណារី ជាង 16k វង្ស ថាណាន់ ជាង 8,8k។

ដោយ​ឡែក ធឿន បុរី ជាង 8,1k និង​តារា​ចម្រៀង PU មាន​អ្នក Sub ចំនួន​ជាង 3k។ ទាំង​នេះ​ជា​ករណី​លើ​ឆាណែល​យូធូប ប៉ុន្តែ​ងាក​មក​អ្នក Like លើ​ហ្វេសប៊ុក​វិញ តន់ ច័ន្ទសីម៉ា នៅ​តែ​រាជិនី ដោយ​មាន​អ្នក Like ដល់​ទៅ​ជាង 1,4M ឯណោះ៕