- 2021-07-12 21:08:10
- ព័ត៌មាន
វិបត្ដិកូវីដ បានផ្ដាច់អាជីពសម្ដែង និងរបរលក់នំអ្នកគ្រូ កណ្ណិការ ភឹង! ឥឡូវជំពាក់ថ្លៃបន្ទប់គេ៣ខែទៀត
- 2021-07-12 21:08:10
- ចំនួនមតិ 0 | ចំនួនចែករំលែក 0
វិបត្ដិកូវីដ បានផ្ដាច់អាជីពសម្ដែង និងរបរលក់នំអ្នកគ្រូ កណ្ណិការ ភឹង! ឥឡូវជំពាក់ថ្លៃបន្ទប់គេ៣ខែទៀត
ចន្លោះមិនឃើញ
តារាសម្ដែងវ័យចំណាស់អ្នកគ្រូ កណ្ណិការ ដែលនិយមដើរជាតួម្ដាយ ឬយាយក្នុងខ្សែភាពយន្តខ្មែរជាច្រើននោះ កំពុងខ្វះខាតជីវភាពប្រចាំថ្ងៃខ្លាំង ដោយជំពាក់លុយថ្លៃបន្ទប់ជួលគេបីខែហើយ ហើយការហូបចុកប្រចាំថ្ងៃក៏មិនគ្រប់គ្រាន់ទៀត។ នេះបើតាមការអះអាងលោក សាយ សៀរ៉ា ដែលបានជួប និងផ្ដល់ថវិកាខ្លះដល់សិល្បការិនីរូបនេះផ្ទាល់។
Sabay បានព្យាយាមទាក់ទងអ្នកគ្រូកណ្ណិការផ្ទាល់ ដើម្បីសុំការបញ្ជាក់បន្ថែមលើបញ្ហាជីវភាពខ្វះខាតនេះ តាមរយៈទូរស័ព្ទ ដោយទូរស័ព្ទចូលជាច្រើនដងហើយពុំមានអ្នកទទួល។ ប៉ុន្តែលោក សាយ សៀរ៉ា បានប្រាប់Sabay នៅថ្ងៃទី១៣ ខែកក្កដា ថាវិបត្តិកូវីដ-១៩ បានរុញច្រានឲ្យជីវភាពអ្នកគ្រូកាន់តែដុនដាបខ្លាំង ដោយអាជីពសម្ដែងត្រូវបានកាត់ផ្ដាច់ ហើយមុខរបរលក់នំបន្តិចបន្តួចនៅផ្សារអូឡាំពិកក៏លក់លែងដាច់ ទើបគាត់បង្ខំចិត្តស្រែករកជំនួយពីសប្បុរសជន។
សាយ សៀរ៉ា៖"គាត់ជួបខ្ញុំម្សិលម្ង៉ៃ ហើយខ្ញុំជូនគាត់៥០ម៉ឺនទាំងលើកនេះហើយ។ គាត់ថាខ្វះខាតខ្លាំងណាស់ ហើយគាត់មានចៅនៅក្នុងបន្ទុកពីរបីនាក់ទៀត...គាត់ជំពាក់ថ្លៃបន្ទប់ស្នាក់នៅជាន់ទី៣ ម្ដុំផ្សារអូឡាំពិកហ្នឹងបីខែហើយ តែខ្ញុំអត់បានសួរគាត់ថាជំពាក់គេប៉ុន្មាន"។
តារាសម្ដែងស្រីវ័យចំណាស់កណ្ណិការ ត្រូវបានលោក សៀរ៉ា បង្ហើបថា អ្នកស្រីធ្លាប់ធ្វើជាសមាជិកគណៈកម្មការក្នុងការផ្ដល់ពិន្ទុឲ្យបេក្ខជន-បេក្ខនារីក្នុងកម្មវិធីមួយរបស់ស្ថានីយទូរទស្សន៍ប៉ុស្តិ៍លេខ៩។ ក្រៅពីនោះអ្នកគ្រូក៏ធ្លាប់បានសម្ដែងក្នុងរឿងខ្មែរជាច្រើន ហើយការសម្ដែងភាគច្រើនអ្នកដឹកនាំរឿងតម្រូវឲ្យដើរជាតួអង្គម្ដាយ និងយាយ៕
