Sabay news entertainment

តារាសម្ដែង សាវិន ហ្វីលីប បានជួបអាការគាំងបេះដូង ហើយត្រូវបានក្រុមគ្រួសារដឹកយកទៅសង្គ្រោះបន្ទាន់នៅមន្ទីរពេទ្យកាល់ម៉ែត នៅប៉ុន្មាននាទីមុននេះ។ ភរិយាលោក ហ្វីលីប អ្នកស្រី សែម ឆវី បានបញ្ចេញព័ត៌មាននេះនៅលើបណ្ដាញសង្គមផ្ទាល់ខ្លួនរបស់អ្នកស្រីថា ស្វាមីអ្នកស្រី គាំងបេះដូងពេលទៅហាត់ប្រាណនៅកន្លែងហាត់ប្រាណមួយកន្លែង។ អ្នកស្រី ថ្លែងថា " ស្វាមីខ្ញុំគាំងបេះដូងនៅកន្លែងហាត់ប្រាណ ពេលនេះនៅមន្ទីរពេទ្យកាល់ម៉ែត្រ គាត់បានធូរស្រាលបន្តិចហើយ សូមទេវតាជួយតាមរក្សាបង"។ មិនទាន់ទទួលបានព័ត៌មានវិវត្តន៍ចុងក្រោយនៅឡើយទេ ពាក់ព័ន្ធស្ថានភាពជំងឺរបស់តារាជើងចាស់ខាងលើនេះ ដោយក្រុមគ្រួសារ មិនអាចភ្ជាប់ទំនាក់ទំនង។

2016-07-06 11:01:03
ព័ត៌មាន

រូបភាពសម្ដែងរបស់ សាវិន ហ្វីលីព ផ្អើលដល់អាមេរិក រូបភាពសម្ដែងរបស់ សាវិន ហ្វីលីព ផ្អើលដល់អាមេរិក

2016-07-06 11:01:03
ព័ត៌មាន

រូបភាពសម្ដែងភាពយន្តក្នុងរឿង Jailbreak ជាមួយតួ Stunt ហូលីវីដ Jean Paul-Ly របស់តារាសម្ដែង សាវិន ហ្វីលីព ត្រង់ឈុតលោកត្រូវចាប់ខ្លួននោះ បានល្បីដល់អាមេរិក បន្ទាប់ពីអ្នកប្រើប្រាស់បណ្ដាញសង្គមហ្វេសប៊ុកជាច្រើន ធ្វើការចែកចាយ។ រូបថតពី ហ្វេសប៊ុក “ទាំងអ្នកអាមេរិក ទាំងមិត្តភក្ដិនៅស្រុកខ្មែរគេតេមកសួរខ្ញុំពីរឿងនេះ ហឹម! ខូចកិត្តិយសខ្ញុំអស់ហើយ បើតែយ៉ាងនេះ"។ សាវិន ហ្វីលីព ថ្លែងយ៉ាងដូច្នេះ។ តារាសម្ដែងរូបនេះអះអាងថា លោកមិនបានដឹងពីប្រភពរូបថតនោះចេញមកពីខាងណានោះទេ ប៉ុន្តែពិតជាបានធ្វើឱ្យប៉ះពាល់ដល់កិត្តិយសរបស់លោកក្នុងនាមជាសិល្បករមួយរូប និងជាទូតសុឆន្ទៈរបស់អង្គការ CGF Children Foundation។ សាវិន ហ្វីលីព អះអាងថា មានអ្នកចែករំលែករូបភាពរបស់លោកដែលត្រូវសមត្ថកិច្ចចាប់ខ្លួននោះជាច្រើនក្នុងព្រឹកនេះ។ សូម្បីអ្នករួមអាជីពជាច្រើនបានទូរសព្ទមកសួរនាំរឿងនេះជាច្រើនផងដែរ។ ប្រភពដដែលបន្ថែមថា ប្រសិនបើលោកមិនបកស្រាយនាពេលនេះទេនោះ មនុស្សកាន់តែច្រើនបន្តមានការយល់ច្រឡំ ហើយអាចនឹងប៉ះពាល់ដល់មូលនិធិសង្គ្រោះកុមារ និងជនក្រីក្ររបស់លោកទៀតផង ដោយសារសប្បុរសជនដកសេចក្ដីទុកចិត្តមិនខាន។ តារាសម្ដែងរូបនេះបានអះអាងជាថ្មីថា លោកទើបថតរឿង "Jailbreak” ដោយសម្ដែងជាមេឧក្រិដ្ឋជន ឬជាតួបងធំឈ្មោះ Playboy ហើយត្រូវសមត្ថកិច្ចចាប់ខ្លួនប៉ុណ្ណោះ។ លោកនិយាយថា៖ "ខ្ញុំបញ្ជាក់ថា ខ្ញុំមិនមែនត្រូវប៉ូលិសចាប់ខ្លួនអីទេ សូមឈប់យល់ច្រឡំទៅ នោះគ្រាន់តែជាឈុតសម្ដែងក្នុងរឿងថ្មីទេ"៕ អត្ថបទ៖ សំ ជំនាញ

2015-07-15 10:00:43
ព័ត៌មាន

សាវិន ហ្វីលីព ទទួលបានងារជាឯកអគ្គរាជទូតសុឆន្ទៈ សាវិន ហ្វីលីព ទទួលបានងារជាឯកអគ្គរាជទូតសុឆន្ទៈ

2015-07-15 10:00:43
ព័ត៌មាន

តារាសម្ដែងជើងចាស់ សាវិន ហ្វីលីព បានប្រាប់ Sabay ឲ្យដឹងថា សប្ដាហ៍ក្រោយលោកនឹងទទួលបានងារជាឯកអគ្គរាជទូតសុឆន្ទៈជាផ្លូវការរបស់អង្គការ Construire Les Generations Future (CGF Foundation) របស់ប្រទេសបារាំង។ លោកបានបន្តថា ៖ CGF ដែលធ្វើការលើគម្រោងកុមារ ការអប់រំ និង ការថែទាំសុខភាពនៅតាមសហគមន៍ នោះបានតាមដានរាល់សកម្មភាពរបស់មូលនិធិ "កុមារសាវិន កម្ពុជា” ដែលតែងតែផ្ដល់ជាជំនួយអណ្ដូងទឹកស្អាតប្រជាជនខ្មែរដែលមានជីវភាពខ្វះខាត មានរយៈពេលជាងពីរឆ្នាំមកហើយ។ https://youtu.be/rFpDiAx26NE អត្ថបទ៖ទ្រី រ៉ាវី

2015-04-20 15:20:12
ជីវិតតារា

ម៉ៅ ស៊ីណាត បង្ហាញជំហរជួយក្មេងស្រី មានម្ដាយជាអ្នកសុំទាន ដល់ទីបញ្ចប់ ម៉ៅ ស៊ីណាត បង្ហាញជំហរជួយក្មេងស្រី មានម្ដាយជាអ្នកសុំទាន ដល...

2015-04-20 15:20:12
ជីវិតតារា

ម៉ៅ ស៊ីណាត បានអះអាងថា នៅតែបន្តជួយក្មេងស្រីម្នាក់អាយុ ៦ ឆ្នាំ កំពុងមានរបួសភ្លៅធ្ងន់ធ្ងរ ដែលមានម្ដាយជាអ្នកសុំទានរហូតដល់ដំណាក់កាលចុងក្រោយ ទោះបីជាទទួលលទ្ធផលយ៉ាងណាក៏ដោយ។ តារាចម្រៀងរូបនេះប្រាប់ Sabay ថា៖" បើ ស៊ីណាត ដាក់ចិត្តថាជួយហើយ គឺធ្វើឱ្យចប់ចុងចប់ដើម អត់ខ្វល់ទេ"។ នាងបាននិយាយបន្តថា បានទទួលដំណឹងពីក្មេងស្រីដ៏កម្សត់ខាងលើ តាមរយៈអ្នករួមអាជីពចម្រៀង លី អ៊ីវ៉ាធីណា ហើយក៏កើតក្ដីអាណិត និង មានចិត្តចង់ជួយតែម្ដង។ នាងបានឧបត្ថម្ភថវិកាចំនួន ២០០ ដុល្លារ និង ចុះទៅដល់មូលដ្ឋានជើងភ្នំឧត្ដុង្គតែម្ដង ដើម្បីសុំការដឹងឮពីមេភូមិ មេឃុំមុនពេលនាំយកក្មេងស្រីនោះមកព្យាបាលនៅភ្នំពេញ។ ម៉ៅ ស៊ីណាត បន្តទៀតថា កន្លងមកធ្លាប់បានផ្សព្វផ្សាយស្វែងរកជំនួយតាមកញ្ចក់ទូរទស្សន៍ប៉ុស្តិ៍លេខ ៩ ផងដែរ។ ប៉ុន្តែ តារារូបនេះបញ្ជាក់ថា រំពឹងលើលុយខ្លួនឯងជាការប្រសើរ ទើបអាចទាន់ចិត្តជាង ព្រោះចង់ឃើញក្មេងស្រីតូចរូបនោះ មានកាយសម្បទាដូចក្មេងដទៃទៀត និង អាចដើរបានជាប្រក្រតី។ ដូច្នេះតារារូបនេះអះអាងថា ម្នាក់ៗត្រូវជួយតាមលទ្ធភាព អាចជាលុយផ្ទាល់ខ្លួន ឬខ្លះទៀតអាចជាលុយមូលនិធិក៏បាន ដើម្បីសង្រ្គោះក្មេងស្រីនេះ។ ម៉ៅ ស៊ីណាត, ប្ដីប្រពន្ធ សាវីន ហ្វីលីប និងម្ដាយក្មេងស្រីរងគ្រោះ (រូបថត៖ Facebook) ពាក់ព័ន្ធទៅនឹងបញ្ហានេះ លោក សាវីន ហ្វីលីប តំណាងមូលនិធិ "កុមារសាវិនកម្ពុជា" បាននិយាយថា ពេលនេះលោក និង ភរិយាបាននាំក្មេងស្រីរងគ្រោះមកដល់មន្ទីរពេទ្យកុមារជាតិហើយ ដើម្បីទទួលការព្យាបាល។ ទោះបីជាយ៉ាងណា ក្មេងស្រីឈ្មោះ ស្រីម៉ុច កំពុងទទួលការពិនិត្យតាមដានដោយគ្រូពេទ្យជំនាញជាមុន ទើបព្យាបាល។ ម្ចាស់គម្រោងរូបនេះ ឱ្យដឹងទៀតថា លោកបានទទួលថវិកាពីតារាចម្រៀងខាងលើ និង សប្បុរសជនផ្សេងទៀតបានប្រមាណ ៧៥០ ដុល្លារហើយ សម្រាប់ព្យាបាលកុមារី ដែលត្រូវឪពុករត់ចោលរូបនេះ។ ទោះបីជាយ៉ាងណា តាមការសន្និដ្ឋានថវិកាប៉ុណ្ណឹងអាចមិនគ្រប់គ្រាន់នោះទេ ព្រោះនាងមានស្ថានភាពធ្ងន់ធ្ងរ ប៉ុន្តែ លោក និង សហការីទាំងអស់ នឹងស្វែងរកដំណោះស្រាយបន្តទៀត៕ អានអត្ថបទ៖ ដឹងអត់តារាកំប្លែង និង សម្ដែងណាខ្លះ មុនចូលសិល្បៈ ជាកម្មករសំណង់? អានអត្ថបទ៖ មុនក្លាយជាតារាចម្រៀងអាជីពបេក្ខភាព The Voice Cambodiaសយ រតនៈ ជាមន្ត្រី NGO អ្នកនាង សែម ឆវី ភរិយា សាវីន ហ្វ៊ីលីបនៅមន្ទីរពេទ្យ (រូបថត៖ Facebook) អត្ថបទ៖ សំ ជំនាញ