- 2021-04-15 20:47:41
- ភាពយន្ត
មិនធ្លាប់មានសោះ! លៀក លីដា គ្រោងសម្ពោធបើករោងកុនDigital ឆាប់ៗនេះ
- 2021-04-15 20:47:41
- ចំនួនមតិ 0 | ចំនួនចែករំលែក 0
មិនធ្លាប់មានសោះ! លៀក លីដា គ្រោងសម្ពោធបើករោងកុនDigital ឆាប់ៗនេះ
ចន្លោះមិនឃើញ
តាមព័ត៌មាន ផលិតកម្ម អិល ឌី គ្រោងនឹងសម្ពោធបើករោងភាពយន្ត Digital ដំបូងគេមិនធ្លាប់មាននៅកម្ពុជា នៅចុងខែឧសភា ឆ្នាំ២០២១ខាងមុខនេះ ដោយផលិតករ បានអះអាងថា មានចំណុចប្លែក និងលេចធ្លោជាងគេ។
តាមការបញ្ជាក់ រោងភាពយន្តនេះដំណើរការ App មួយឈ្មោះថា Angkor DC។ ចាងហ្វាងផលិតកម្ម អិល ឌី លោក លៀក លីដា និយាយថា App រោងភាពយន្តរបស់លោក បង្កើតឡើងមិនតម្រូវឲ្យប្រិយមិត្តចុច subscribe ឬបង់ប្រាក់ថ្លៃទស្សនាប្រចាំខែនោះទេ គឺចូលទិញសំបុត្រ ទស្សនាដូចរោងកុនតែម្ដង។ លោកថា រឿងថ្មីៗ និងល្អមើលជាច្រើន នឹងបញ្ចូលដើម្បីឲ្យប្រិយមិត្តចូលទិញសំបុត្រទស្សនាដោយសេរី គ្រប់ពេលវេលា និងគ្រប់ទីកន្លែង។
លៀក លីដា៖"ពួកយើងចាក់រឿងថ្មីៗតែម្ដង ហើយជាប្រភេទកុនដុំ ហើយវាអត់ដូចទៅនឹង App ដទៃទេទេ គឺវាអត់ដូចគ្នាដាច់ខាតតែម្ដង"។
ម្ចាស់ផលិតកម្មអិល ឌី រូបនេះ បន្ថែមថា រឿងដែលត្រូវចាក់បញ្ចាំងមុនគេ ចាប់ពីខែឧសភា តទៅ គឺមានដូចជារឿង"លោកប្ដីវគ្គ២" រឿង"តណ្ហា" រឿង"ជួបស៊យវគ្គ៣" រឿង"អាតួកូនឪ" និងរឿង"បង្គោលក្រាក់សង្កត់វិញ្ញាណវគ្គ២" ជាដើម។
យោងតាមវីដេអូផ្សព្វផ្សាយខ្លីមួយរបស់ Angkor DC បង្ហាញថា ការបង្កើត App ថ្មីនេះ នឹងជួយពង្រឹងប្រព័ន្ធចែកចាយភាពយន្ដខ្មែរខ្នាតធំឲ្យកាន់តែទូលំទូលាយទាំងនៅកម្ពុជា និងទូទាំងសកលលោក។ តាមរយៈនេះ ក៏នឹងធ្វើឲ្យវិស័យភាពយន្ដខ្មែរកាន់តែរឹងមាំ និងផ្ដល់ឱកាសដ៏អស្ចារ្យដល់ផលិតករខ្មែរ តារាសម្ដែងខ្មែរ និងអ្នកជំនាញគ្រប់ផ្នែកទាំងអស់នៅក្នុងវិស័យភាពយន្ដកម្ពុជា៕
